Vdes në spital, Aldi Rama, i dyshuari për vrasjen e policit në Lezhë
29.9.2021 - 12:15
I dyshuari për vrasjen e oficerit të policisë dje në Lezhë, Aldi Rama ka ndërruar jetë.
Top Channel raporton se i dyshuari Rama ka ndërruar jetë në spitalin e Traumës në Tiranë.
Aldi Rama dje pasi refuzoi kontrollin e policisë dyshohet se qëlloi me armën tip pistoletë TT oficerin Saimir Hoxha.
Siç raporton TCh, plumbat e goditën në zemër policin, i cili humbi jetën rrugës për në spital. Derisa i dyshuari Aldi Rama rrëmbeu makinën dhe u përpoq të largohej, disa qindra metra më pas braktisi atë.
Për kapjen e 21-vjeçarit u angazhuan forca të shumta policie ku në ndihmë ishte edhe një helikopter.