Vdekja e dy personave nga aksidenti në Klinë, prokuroria jep detaje
09.3.2024 - 21:34
Dy persona mbetën të vdekur nga një aksident në mes trenit dhe një furgoni në Klinë.
Vdekjen e tyre e konfirmoi Policia e Kosovës për KALLXO.com.
Në vendin e ngjarjes ishte edhe prokurori kujdestar.
Zëdhënësi i Prokurorisë në Pejë, Shkodran Nikçi tha se prokurori ka urdhëruar dërgimin e trupave të viktimave në Institutin e Mjekësisë Ligjore për obduksion.
“Prokurori i shtetit ka dal në vendin e ngjarjes njëkohësisht ka shkuar edhe në Spitalin Rajonal të Pejës, dhe nga mjeku kujdestar i është konfirmuar vdekja e dy viktimave. Prokurori njëkohësisht ka urdhëruar dërgimin e trupave të pajetë në IML për obduksion”- tha Nikçi.