Foto: Ramush Haradinaj/Facebook
Unikkatil, unik për Haradinajn
06.8.2019 - 12:45
Kryeministri në dorëheqje i Kosovës, Ramush Haradinaj është takuar me këngëtarin e muzikës rep, Viktor Palokaj, i cili është i njohur me emrin artistik, Unikkatil.
Haradinaj ka thënë se Unikkatil kudo që performon pikënisje e ka Kosovën.
Sipas Haradinajt, Unikatili është unik.
“Me rap artistin e famshëm Viktor Palokaj, i cili kudo që përformon, Kosovën e ka pikënisje. Unik në kuptimin e plotë të fjalës!”, thuhet në postimin e Haradinajt në Facebook.
Haradinaj dhe Unikkatili janë fotografuar pranë flamurit të Kosovës dhe atij kombëtar. Dhe së bashkë kanë bërë simbolin e shqiponjës.