Trusti: Detajet e aplikimit për 10 përqindëshin vetëm pasi ligji të hyjë në fuqi
12.10.2020 - 16:18
Pas gjashtë tentimeve, Kuvendi i Kosovës ka arritur sot që ta votojë në parim Projektligjin për Rimëkëmbjen Ekonomike, i cili mundëson tërheqjen e 10 për qind të mjeteve nga trusti pensional.
Fondi i Kursimeve Pensionale të Kosovës përmes një njoftimi ka thënë se pas leximit të dytë në Parlament dhe më pas dekretimit nga Presidenti do të bëhen të ditura detajet e aplikimit.
“Në momentin që dekretohet ligji nga Presidenti, detajet për aplikim do të bëhen të ditura në mjete të informimit’ shkruan në njoftim
Ky projektligj u votua në lexim të parë me 64 vota për asnjë kundër dhe asnjë abstenim.
Vlera e projektligjit për rimëkëmbje ekonomike është 385 milionë euro.