![](https://kallxo.com/wp-content/uploads/2020/04/COVID-19-1-1-695x310.png)
Tre persona pozitivë me COVID-19 në Kamenicë
30.8.2020 - 16:50
Sipas rezultateve të publikuara nga Instituti Kombëtar i Shëndetësisë Publike, 119 persona kanë rezultuar pozitiv me COVID-19 në 24 orët e fundit në Kosovë.
Nga 119, 3 prej tyre janë nga Komuna e Kamenicës. Listës së personave të shëruar i është shtuar edhe një person nga Kamenica.
“Tre persona rezultojnë pozitiv me COVID-19 në Komunën e Kamenicës dhe një person shërohet plotësisht”, thuhet në njoftimin e Komunës së Kamenicës.
Bilanci me COVID-19 në Kamenicë:
– 156 raste të identifikuara;
– 112 të shëruar plotësisht;
– 32 raste aktive;
– 12 të vdekur.
“Lusim të gjithë qytetarët, që të vazhdojnë t’i respektojnë masat dhe rregullat e institucioneve përgjegjëse”, thuhet në thirrjen e Komunës për qytetarët.