Tentim grabitje në një institucion mikrofinanciar në Prishtinë
08.2.2022 - 22:07
Është raportuar për një tentim grabitje në një institucion mikrofinannciar në rrugën “Ali Vitia” Prishtinë.
Kështu ka njoftuar për KALLXO.com zëdhënësja e Policisë së Kosovës, Flora Ahmeti.
E njëjta ka thënë se i dyshuari në ikje e sipër ka shkrepur armë me gaz dhe është larguar nga vendi i ngjarjes.
Po ashtu, ajo ka treguar se lëndime ka pësuar ankuesi pasi i njëjti ka pasur kontakt fizik me të dyshuarin.
“Aktualisht Policia ka iniciuar një hetim lidhur me rastin dhe ka nisur me ndërmarrjen e veprimeve të nevojshme policore me qëllim zbardhjen e rrethanave të rastit”, ka thënë ajo.
Rasti ka ndodhur rreth orës 17:30.