Sulmi ndaj gazetarit Valon Syla, Konjufca kërkon nga organet e drejtësisë t’i kapin sulmuesit
12.4.2023 - 00:53
Kryetari i Kuvendit të Kosovës, Glauk Konjufca ka reaguar ndaj sulmit të gazetarit të Gazeta Metro, Valon Syla.
Gazetari Valon Syla është sulmuar në orët e vona të ditës së martë në lagjen “Bregu i Diellit”.
“Sulmi ndaj gazetarit Valon Syla është një shkelje e rëndë e lirisë së shtypit dhe e të drejtave të njeriut, dhe nuk mund të tolerohet kurrsesi në një shoqëri demokratike” – ka shkruar kryeparlamentari Konjufca.
Konjufca ka kërkuar nga organet që t’i ndërmarrin hapa të nevojshëm për t’i sjellë autorët e sulmit para drejtësisë.
Hetim urgjent për sulmin ndaj gazetarit Valon Syla ka kërkuar edhe Asociacioni i Gazetarëve të Kosovës.