Varianti Omicron COVID BA.2 përbën gjysmën e të gjitha rasteve të Omicron në Danimarkë. - E drejta e autorit Canva

Stealth Omicron: A është nënvarianti BA.2 një lloj më i transmetueshëm i COVID dhe a ka vend për shqetësim?

 

Në kohën kur qeveritë në të gjithë Evropën kanë shprehur synimet e tyre për t`i lehtësuar kufizimet e lidhura me COVID-19, spektri i një vale tjetër të virusit po ngjall shqetësim në komunitetin shkencor.

Nënvarianti Omicron BA.2, i cili po emërtohet me emrin “Stealth Omicron”, duket se tani është i pranishëm në 40 vende dhe po fiton terren në Mbretërinë e Bashkuar, Suedi, Indi dhe SHBA.

Në Danimarkë, ajo është bërë nënvarianti dominues.

Pse “Stealth Omicron”?

Duke pasur parasysh shpejtësinë me të cilën po i kalon nënvariantet e tjera të Omicron, po ngjall frikë se një lloj më i transmetueshëm i koronavirusit po përhapet në mënyrë aktive në komunitet.

Omicron, i cili gjithashtu quhet B.1.1.529, ka tri nënshtresa kryesore, BA.1, BA.2 dhe BA.3, sipas Organizatës Botërore të Shëndetësisë (OBSH).

Deri më tani, ka qenë BA.1 që ka dominuar me OBSH duke vlerësuar se përbën një shumicë të madhe të të gjitha rasteve të Omicron.

Megjithatë, në disa vende, BA.2 ka filluar të përhapet më shpejt.

Versioni origjinal i Omicron kishte veçori specifike gjenetike që i lejonin zyrtarët shëndetësorë ta diferenconin me shpejtësi nga Delta duke përdorur një test të caktuar PCR për shkak të asaj që njihet si “dështimi i objektivit të gjenit S”.

BA.2 nuk ka të njëjtën veçori gjenetike. 

Një person me BA.2 do të vazhdojë të rezultojë pozitiv për koronavirusin në një test PCR, por rasti i tyre nuk do të shënohet si BA.2, përveç nëse mostra e tij origjinale kalon përmes sekuencës gjenetike.

“Nuk është se testi nuk e zbulon atë; është thjesht se nuk duket si Omicron”, tha Dr Wesley Long, patolog në Houston Methodist në Teksas për Associated Press.

“Mos e keni përshtypjen se ‘Stealth Omicron’ do të thotë se ne nuk mund ta zbulojmë atë. Të gjitha testet tona PCR ende mund ta zbulojnë atë”.

Britania e Madhe po e përcjellë për së afërmi variantin BA.2

Agjencia e Sigurisë Shëndetësore e Mbretërisë së Bashkuar e përcaktoi BA.2 si një variant nën hetim të premten e kaluar, ndërsa theksoi se normat aktuale të rasteve janë shumë të ulëta.

Kjo agjenci tha se do të ndërmarrin analiza të mëtejshme.

Kjo nën-linjë, e cila u caktua nga Pangolin më 6 dhjetor 2021, nuk ka fshirjen e gjenit të spikut në 69-70 që shkakton dështimin e objektivit të gjenit S (SGTF), i cili më parë është përdorur si një përfaqësues për të zbuluar rastet e Omicron”, thuhet në një deklaratë.

“UKHSA po vazhdon t`i monitorojë nga afër të dhënat mbi nën-linjën BA.2”, shtoi ai.

Sipas Dr Meera Chand, Drejtoreshë e Incidentit të UKHSA, “është natyra e viruseve që evoluojnë dhe ndryshojnë, kështu që duhet të pritet që ne të vazhdojmë të shohim variante të reja të shfaqen ndërsa pandemia vazhdon”.

“Vëzhgimi ynë i vazhdueshëm gjenomik na lejon t’i zbulojmë ato dhe të vlerësojmë nëse ato janë të rëndësishme”, shtoi ajo.

Përqindja e rasteve BA.2 në MB u rrit nga 0.2 përqind e rasteve në 0.8 përqind midis 8 dhe 15 janarit, sipas studiuesve të gjenomikës në Institutin Wellcome Sanger.

SHBA ka raportuar gjithashtu raste të këtij nënvarianti në disa shtete.

A duhet të shqetësohemi?

OBSH e ka etiketuar Omicronin si një variant shqetësues, por nuk i ka dhënë ndonjë emërtim të veçantë BA.2.

Ai thotë se “duhen studime për t`i kuptuar më mirë vetitë e BA.2, duke përfshirë vlerësimet krahasuese të BA.2 dhe BA.1 për karakteristikat kryesore si transmetueshmëria, ikja imune dhe virulenca”.

OBSH gjithashtu u bën thirrje vendeve që ta shtojnë mbikëqyrjen përmes testimit dhe renditjes për t`i kuptuar më mirë nënvariantet e Omicron.

Në Danimarkë, ky nënvariant tani përbën pothuajse gjysmën e të gjitha rasteve të Omicron. Vende të tjera si Mbretëria e Bashkuar, Norvegjia dhe Suedia po përjetojnë gjithashtu një rritje të rasteve BA.2, edhe pse jo në të njëjtën masë.

“Analiza fillestare nuk tregon dallime në hospitalizime për BA.2 në krahasim me BA.1”, tha Statens Serum Institute i Danimarkës, një qendër kërkimore e sëmundjeve infektive e udhëhequr nga qeveria, në një deklaratë të enjten e kaluar.

“Pritet që vaksinat të kenë efekt edhe kundër sëmundjeve të rënda pas infeksionit BA.2”.

Në një konferencë të mërkurën, drejtori teknik i SSI-së, Tyra Grove Kraus tha: “Ka disa indikacione se është më ngjitëse, veçanërisht për të pavaksinuarit, por që mund të infektojë edhe njerëzit që janë vaksinuar në një masë më të madhe”.

Ajo tha se kjo mund ta arrijë pikun e valës aktuale të Danimarkës duke u shtrirë edhe më tej në shkurt sesa ishte parashikuar më parë.

Në të njëjtën konferencë, ministri danez i shëndetësisë Magnus Heunicke tha se varianti Omicron duket më ngjitës, por jo më i ashpër. /Euronews