![](https://kallxo.com/wp-content/uploads/2020/11/Fshati-Smallushe-720x480.jpg)
Fshati Smallushë, Foto: Komuna e Lipjanit/ Facebook
Smallusha e Lipjanit bëhet me trotuare dhe ndriçim
Në fshatin Smallushë të Lipjanit janë ndërtuar trotuaret dhe ndriçimi publik.
Kështu ka bërë të ditur përmes një publikimi në Facebook, Komuna e Lipjanit.
“Në vazhdën e realizimit të shumë projekteve të interesit publik, Komuna e Lipjanit ka përfunduar projektin e radhës për ndërtimin e trotuareve me ndriçim publik në fshatin Smallushë për të ju ofruar banorëve siguri gjatë qarkullimit të tyre”, thuhet në njoftim.
Ky projekt Komunës së Lipjanit i ka kushtuar rreth 24 mijë euro.
“Jeta në Komunë” ditë më parë ka publikuar hulumtimin lidhur me debatin që është mbajtur me kryetarin e Komunës së Lipjanit, Imri Ahmeti dhe asamblistët e kësaj komune.
Pas tri viteve në pushtet që nga marrja e mandatit të kryetarit të komunës më 2017-tën, Imri Ahmeti në emisionin “Jeta në Komunë” prezantoi sukseset e tij gjatë kësaj kohe, përderisa u sfidua edhe me premtimet që ua kishte dhënë lipjanasve.
Lipjani mes sukseseve dhe problemeve në mandatin e dytë të Imri Ahmetit