Shpërthen sistemi me gaz i ngrohjes në një shtëpi në Lipjan, lëndohen burrë e grua

Dy persona, një burrë dhe një grua, kanë mbetur të lënduar si pasojë e shpërthimit të sistemit të ngrohjes me gaz në një shtëpi në Lipjan.

Rrethanat se si ka ndodhur rasti, Policia e Kosovës thotë se nuk dihen ende.

Sipas raportit policor, njësitë relevante policore dhe prokurori i shtetit kanë dalë në vendin e ngjarjes, ndërsa të lënduarit janë dërguar për trajtim mjekësor.

Policia thotë se një i dyshuar është shoqëruar në polici dhe i njëjti pas intervistimit, me rekomandim të prokurorit është liruar në procedurë të rregullt.

Rasti vazhdon të hetohet nga njësitet kompetente.