Presidenti i Shqipërisë, Bajram Begaj dhe Presidentja e Moldavisë, Maia Sandu. Foto: Bajram Begaj, X
Presidenti i Shqipërisë lobon që Moldavia ta njohë Kosovën
Presidenti i Shqipërisë, Bajram Begaj, ka lobuar te homologia e tij moldave, Maia Sandu, që Moldavia ta njohë Kosovën.
Veç kësaj, ai ka kërkuar që Moldavia ta mbështesë Kosovën edhe në anëtarësimet ndërkombëtare.
“Kam kërkuar rishqyrtim për njohjen dhe mbështetjen e Kosovës për anëtarësimin e saj ndërkombëtar” – ka shkruar Begaj në rrjetin social X, krahas një fotografie me Sandun.
During my meeting with President @sandumaiamd, I reaffirmed Albania’s support for Moldova’s EU path.
I urged reconsideration for Kosova’s recognition and support for its international memberships.
Grateful for Moldova’s contributions to KFOR.
🇦🇱🇲🇩 pic.twitter.com/amosAJPbWK
— Bajram Begaj (@BajramBegajAL) June 16, 2024
Begaj ështe shprehur mirënjohës për kontributin e Moldavisë në KFOR, ndërkaq ka rikonfirmuar mbështetjen e Shqiperisë për rrugën e këtij shteti drejt Bashkimit Europian.
BE-ja ka hapur bisedimet për anëtarësim me Moldavinë dhe Ukrainën në dhjetor të vitit 2023.
