Foto: KALLXO.com
Policia kontrollon lokalet e Istogut, konfiskon sprej djegës
14.11.2019 - 15:12
Policia në rajonin e Istogut ka zhvilluar gjatë ditës së djeshme një plan operativ për kontrollin e disa lokaleve.
Sipas policisë gjatë implementimit të këtij plani operativ, janë kontrolluar dy lokale, ku tek personat e pranishëm janë gjetur dhe janë konfiskuar dy OC sprej dhe janë hapur dy raste për armëmbajtje pa leje.
Sipas njoftimit, të dyshuarit në këto raste, pas intervistimit, me urdhër të prokurorit janë liruar në procedurë të rregullt.
Policia tutje ka bërë të ditur se në njërin nga lokalet gjatë kontrollit dhe verifikimit të personave, njëri nga të pranishmit është arrestuar me letërrreshtim dhe i njëjti është dërguar në vuajtje të dënimit në qendrën korrektuese në Dubravë.