Ilustrim - Foto: KALLXO.com
Policia jep detaje se si u ther me thikë i mituri në autobus në Prishtinë
19.11.2020 - 10:33
Një vrasje në tentativë është raportuar se ka ndodhur dje rreth orës 17:10, në një autobus i cili ndodhej në rrugën “Agim Ramadani”, në Prishtinë.
Policia ka bërë të ditur se në autobus një i mitur ka therur me thikë një të mitur tjetër.
Viktima është dërguar për tretman mjekësor, dhe është jashtë rrezikut për jetë.
I dyshuari, sipas policisë, ka ikur nga vendi i ngjarjes.
Në vendin e ngjarjes kanë dalë njësitet përkatëse, dhe njësitë e hetuesisë kanë arritur që të identifikojnë dhe të arrestojnë të dyshuarin.
Me vendim të prokurorit, i dyshuari pas intervistës është dërguar në mbajtje.