Policia jep detaje për aksidentin me fatalitet në Prizren
12.4.2022 - 11:17
Policia ka njoftuar se një person ka vdekur dhe një tjetër është lënduar pasi një veturë ka rënë në lumë dje në fshatin Lubinje në Prizren.
Sipas Policisë i dyshuari duke e drejtuar veturën nga pakujdesia ka humbur kontrollin mbi veturë dhe ka rënë në lumë.
“I dyshuari është duke u trajtuar në spitalin e Prizrenit, ndërsa pasagjeri, ndërsa viktima ka ndërruar jetë në vendin e ngjarjes”, thuhet në njoftimin e PK-së.
Tutje thuhet se njësitë relevante policore, zjarrfikësit dhe një ekipe e emergjencës kanë dal në vendin e ngjarjes, ku nga mjeku përgjegjës është konstatuar se vdekja e viktimës.
Me vendim të prokurorit trupi i viktimës është dërguar në Institutin e Mjekësisë Ligjore (IML) për obduksion.