Policia arreston në kufi dy maqedonas, dyshoheshin për falsifikim të parave

Policia ka arrestuar dy persona të dyshuar se po posedonin para të falsifikuara.

Në Pikën Kufitare në Glloboçicë, gjatë ditës së djeshme policia kishte arrestuar dy shtetas të Maqedonisë.

Arrestimi u bë nën dyshimin se të njëjtit pasi ishin kontrolluar i ishin gjetur 5,100 euro të cilat dyshoheshin se janë të falsifikuara.

Në lidhje me rastin është njoftuar edhe Prokurori i Shtetit. Me vendim të këtij të fundit dy maqedonasit ishin dërguar në mbajtje.