Vjosa Osmani, Foto: Kuvendi i Kosovës
Osmani uron besimtarët myslimanë për muajin e Ramazanit
24.4.2020 - 10:01
Kryetarja e Kuvendit të Kosovës, Vjosa Osmani, ka uruar të gjithë besimtarët myslimanë në Kosovë, me rastin e fillimit të muajit të shenjtë të Ramazanit.
“Në kohën kur njerëzimi po e kalon një sfidë duke bërë njëkohësisht sakrificë në përballje me pandeminë globale Covid-19, besimtarët myslimanë do të nisin muajin e sakrificës – Ramazanin. Ky muaj është mundësia më e mirë për solidaritet ndërnjerëzor dhe dëshirë për ta promovuar harmoninë në një shoqëri shumëfetare e shumëkulturore”, thuhet në njoftim.
Sipas saj, përgjatë ditëve të agjërimit do të kujtohen e ndihmohen ata që janë privuar nga mundësia apo e drejta e ushqimit.
“Të dashur besimtarë myslimanë, të nderuar agjërues, paqi agjërim të lehtë!”, thuhet në urimin e kryeparlamentares.