Osmani takon ministrin Vitia, diskutojnë për reformat në shëndetësi

Presidentja Vjosa Osmani ka pritur në takim gjatë kësaj jave, ministrin e Shëndetësisë, Arben Vitia me të cilin kanë diskutuar për zhvillimet dhe të arriturat në fushën e shëndetësisë përgjatë vitit, si dhe sfidat kryesore në këtë sektor.

Në kuadër të Këshillit për demokraci dhe të drejtat e njeriut, të udhëhequr nga presidentja, janë identifikuar, siç thuhet në njoftim, një sërë çështjesh që e involvojnë sektorin e shëndetësisë, prandaj gjatë takimit u diskutua për reformat që janë realizuar si dhe planet konkrete për vitin në vijim me qëllim të parandalimit dhe luftimit të dhunës me bazë gjinore.

Në mes tjerash, Osmani ka folur edhe për angazhimin e rregullt në drejtim të ndërtimit të partneriteteve, të reja të cilat kanë për qëllim mbështetjen e sektorëve të ndryshëm në vend, me ç’rast “veçoi komunikimet e rregullta dhe bashkëpunimin e ngushtë me partnerë të shumtë ndërkombëtar me qëllim të mbështetjes dhe avancimit të shërbimeve të ofruara në fushën e shëndetësisë”./Rtklive