Foto: Afrim Ejupi / KALLXO.com
Nga Serbia hyri ilegalisht në Kosovë, Policia ia gjen në automjet një aparat ultrazëri
17.3.2024 - 12:37
Një burrë në Leposaviq është ndaluar pasi dyshohet se hyri ilegalisht nga Serbia në Kosovë, dhe se në automjetin e tij ai po barte një aparat ultrazëri që përdoret për mjekësi.
“Njësia policore ka ndaluar një furgon që drejtohej nga i dyshuari mashkull kosovar në të cilin kishte të ngarkuar një aparat ultrazëri që përdoret në mjekësi, për shkak se i njëjti dyshohet se kishte hyrë nga Serbia në Republikën e Kosovës përmes rrugëve ilegale”- thuhet në raportin 24-orësh policor të datës 17.03.2024.
Në konsultim me prokurorin aparati ultrazë i është dorëzuar doganës për procedura të mëtejme, ndërsa pas inicimit të rastit i dyshuarit është liruar në procedurë të rregullt.