Mungesë deputetësh, nuk votohen një sërë raportesh
12.10.2020 - 18:00
Raporti vjetor i Autoritetit Kosovar të Konkurrencës, i Fondit të Kursimeve Pensionale të Kosovës dhe ai i Autoritetit Rregullativ të Hekurudhave për vitin 2019, nuk kanë arritur të miratohen në Kuvendin e Kosovës.
Kjo pasi që në sallën e Kuvendit nuk ka pasur më shumë se 35 deputetë.
Nënkryetarja e Parlamentit, Arbërie Nagavci, ka thënë se në mungesë kuorumi raportet nuk mund të hidhen në votim.
Sot Kuvendi i Kosovës me 64 vota pro ka arritur të miratojë në lexim të parë Projektligjin për Rimëkëmbje Ekonomike, i cili u soll për të gjashtën herë para deputetëve.