Moti për pesë ditë në Kosovë, i ndryshueshëm

Instituti Hidrometeorologjik i Kosovës ka njoftuar se në pesë ditët e ardhshme do të ketë mot të ndryshueshëm.

Sipas IHMK-së, të hënën do të ketë mot kryesisht të vranët dhe me reshje shiu.

“Temperaturat do të pësojnë ulje , sidomos në vlerat e maksimaleve. Parashihen edhe erëra të fuqishme në disa rajone të veriut të Dukagjinit, ndërsa në viset e larta me lartësi mbidetare mbi 800m , reshjet e shiut do të jenë të përziera me borë”- thuhet në njoftim.

Të martën, njofton IHMK, do të ketë mot të vranët dhe me intervale të shkurta me diell.

“Vranësirat vende-vende mund të sjellin riga të dobëta dhe të izoluara shiu. Temperaturat do të biejnë në vlera njeshifrore”.

Instituti tutje njofton se të mërkurën do të ketë mot me vranësira të shpërndara dhe me intervale të gjata me diell.

“Temperaturat minimale do të biejnë në vlera të lehta negative, ndërsa maksimalet e ditës do të lëvizin rreth 10 gradë Celsius” vijon njoftimi.

Ndërkaq, të enjten parashihet mot kryesisht stabil, me pak vranësira dhe intervale me diell.

“Vranësirat më të fokusuar parashihen për rreth relievit malor. Në vlerat e temperaturave maksiamle parashihen rritje të lehta”.

Ndërsa të premten, do të ketë mot të vranët dhe me intervale me diell.

“Vranësirat gjatë pjeses së dytë të ditës parashihen të sjellin riga shiu.Temperaturat do të shënojn rritje të lehta.
Vikendi parashihet me kushte tjera meteorologjike. Gjatë kësaj periudhe kohore do të ketë erëra mesatare deri të forta kryesisht gjysma e parë e javës, ndersa drejtimi do të jetë nga verilindja dhe juglindja” – njofton IHMK.