Moti këtë javë në Shqipëri, paralajmërohen reshje shiu në disa zona malore

Nga e hëna në të enjten pritet të ketë vranësira dhe reshje shiu kryesisht në zonat malore të Shqipërisë.

Ky është parashikimi i meteorologes, Lajda Porja për Euronews Albania, ku nënvizoi se pritet të ketë rrebeshe shiu në zonat malore, në juglindje dhe verilindje të vendit.

Porja shtoi se do të ketë reshje shiu edhe në qytetet si Tirana, Elbasani dhe Berati.

Muaji gusht pritet të mbyllet me temperatura deri në 33 gradë.

Ndërsa sa i përket shtatorit, gjatë 10 ditëshit të parë temperaturat do të shkojnë deri në 37 gradë.

Sipas Porjas, gjatë këtij muaji temperaturat do të jenë 7 gradë mbi normalen./Euronews Albania