![](https://kallxo.com/wp-content/uploads/kallxo/path/grabitje_927113_879420_876854_312899_274856_640532_570976.jpg)
Lirohen në procedurë të rregullt të dyshuarit për keqtrajtimin e të riut në Prishtinë
08.12.2020 - 20:00
Sot gjatë ditës në rrjete sociale qarkulloi një video në të cilën shihet një djalë i ri që shet cigare në kryeqytet, duke u keqtrajtuar nga tre persona në një kafiteri të Prishtinës.
Personat e dyshuar më pas ishin shoqëruar në Polici për intervistim.
E pas intervistimit, Policia e Kosovës ka njoftuar se të dyshuarit janë liruar në procedurë të rregullt, ndërsa hetimet vazhdojnë.
“Pas intervistimit personat janë liruar në procedurë të rregullt, ndërkohë që për zbardhjen e rrethanave të këtij rasti i cili është cilësuar si ‘Shkaktim i rrezikut të përgjithshëm’, janë duke punuar hetuesit policorë në koordinim me prokurorin e shtetit”, ka konfirmuar Agron Borovci për KALLXO.com.