Lehtësohen masat kundër COVID-19
30.4.2022 - 15:46
Në mbledhjen e Qeverisë së Kosovës është marrë vendim për lehtësimin e masave kundër pandemisë COVID-19 në vend.
Ministri i Shëndetësisë, Rifat Latifi ka kërkuar nga Qeveria të votohet për lehtësimin e masave të pandemisë.
“Jemi në situatë që të kërkojmë nga Qeveria e Kosovës që t’i lehtësojmë masat që kemi pas deri tash për COVID-19”, ka thënë Latifi.
Ndërsa, kryeministri Albin Kurti ka bërë të ditur për votimin e masave.
“Janë votuar masat e reja, të cilat me siguri do të lehtësojnë jetën shoqërore, kulutorore, ekonomike”, ka thënë Kurti.
Në mbledhje është bërë e ditur që këto masa do të publikohen gjatë ditës.