Gjykimi ndaj krerëve të UÇK-së

Kurti për Thaçin e të tjerët: Besoj në pafajësinë e tyre

Kryeministri i Kosovës, Albin Kurti ka deklaruar se beson në pafajësinë e Hashim Thaçi dhe ish-krerëve të tjerë të UÇK-së që po gjykohen në Gjykatën Speciale.

Kurti për gazetën kroate “Veçernji List” tha se lufta e UÇK-së ishte luftë e drejtë, e pastër, çlirimtare dhe antikoloniale.

“Unë besoj në pafajësinë e atyre që janë atje. Ne e mbështesim mbrojtjen e tyre dhe deri më tani kemi paguar si shtet mbi 16 milionë euro për mbrojtjen e tyre. Bashkësia ndërkombëtare duhet ta kuptojë se nuk e kanë mbaruar punën e tyre sa i përket drejtësisë në territoret e ish-Jugosllavisë, sepse në vitet e nëntëdhjeta nga forcat serbe janë vrarë 150 mijë joserbë. Do të thotë që, nëse një njeri ka vrarë deri në 10 prej tyre, janë 15 mijë vrasës serikë në Serbi të cilët shëtisin lirshëm. Nga ky numër, as 1% e tyre nuk kanë përfunduar pas grilave”- ka thënë Kurti.

Ndërsa, sipas tij, bëhet fjalë për një asimetri të theksuar që bie ndesh me pajtimin e popujve në Ballkanin Perëndimor.

Intervista e plotë: