Kurti: I kërkova kryeministres serbe nënshkrimin e marrëveshjes për normalizim, ajo refuzoi
Kryeministri i Kosovës, Albin Kurti, ka thënë se i ka kërkuar kryeministres serbe, Ana Bërnabiq, nënshkrimin e marrëveshjes për normalizim të raporteve si dhe aneksit të Ohrit.
Kurti në një deklaratë për media ka thënë se këtë propozim kryeministres serbe ia ka bërë gjatë takimit të drekës por ajo nuk ka pranuar.
“Edhe sot gjatë takimit të drekës unë kam kërkuar nga kryeministrja Bërnabiq që ta nënshkruajë marrëveshjen bazike dhe aneksin e Ohrit, pra unë jam që të zbatohen ato, pikërisht tani që presidenti i Serbisë është i zënë në Kinë me vizitën atje dhe me takimet me superfuqitë lindore e verilindore”- tha Kurti në Tiranë pas samitit të Procesit të Berlinit.
“Unë kam thënë le ta nënshkruajmë meqë është kaq shumë e interesuar për normalizim me Kosovën, le ta nënshkruajmë bashkë me kryeministren e Serbisë, marrëveshjen bazike dhe aneksin e zbatimit, mirëpo ajo sërish nuk ishte e interesuar”- shtoi ai.
Kosova dhe Serbia janë dakorduar për marrëveshjen për normalizim të raporteve, i njohur ndryshe si plani franko-gjjerman.
Mirëpo nënshkrime për këtë marrëveshje, e as për aneksin e saj të dakorduar në Ohër nuk janë hedhur.
Pala kosovare ka thënë se refuzimi për nënshkrim ka ndodhur nga pala serbe.
Marrëveshja dhe ankesi i saj ende nuk janë zbatuar nga palët, ani pse janë obligative për palët.
