Kurti flet për ndihmën e Shqipërisë për energjinë
29.12.2021 - 13:05
Kryeministri Albin Kurti ka folur gjatë konferencës për media pas mbledhjes së Qeverisë edhe për ndihmë për furnizim me energji elektrike të ofruar nga Shqipëria.
Kurti ka thënë ministrja e Ekonomisë, Artane Rizvanolli ka bërë kërkesë për ndihmë nga Shqipëria.
“Ne e falënderojmë kryeministrin Rama për mbështetjen, ministrja jonë e ekonomisë e ka bërë një kërkesë ndaj Republikës se Shqipërisë. Bëhet fjalë për dy ditë, dhe më pastaj do të kemi mundësi që t’ i ndihmojmë në verë. Kjo ndihmë është e një rëndësie të veçantë sepse është në kohën kur as vet Shqipëria nuk i ka punët mirë”, ka thënë kryeministri Kurti.
Shqipëria do t’i sigurojë rrymë Kosovës për më 31 dhjetor dhe 1 janar