![](https://kallxo.com/wp-content/uploads/2024/06/Zejnullah-Gashi-shirit-foto-KALLXOcom-2--640x480.jpg)
Kryeprokurori i Prishtinës arrin në vendin ku pati të shtëna me armë zjarri
13.6.2024 - 23:00
Një incident me të shtëna me armë zjarri ka ndodhur sonte, më 13.06.2024, në rrugën “Xheladin Hana” në lagjen “Bregu i Diellit” në Prishtinë.
Policia e ka konfirmuar rastin për KALLXO.com.
Sipas Policisë, rasti ka ndodhur rreth orës 21:30 dhe se nuk njoftohet për të lënduar.
Zëdhënësi i Policisë, Agron Borovci, tha se në vendin e ngjarjes janë gjetur gëzhoja të plumbave dhe se hetimet po vazhdojnë për identifikimin e të dyshuarve.
Në vendin e ngjarjes para pak minutave ka arritur edhe kryeprokurori i Prokurorisë së Prishtinës, Zejnullah Gashi.