Kosnett takon Hoxhajn e Haradinajn, pret të punojnë si opozitë bashkë me Qeverinë për nevojat e qytetarëve
Ambasadori i Shteteve të Bashkuara të Amerikës në Kosovë, Philip Kosnett gjatë ditës së sotme është takuar me kryetarin e AAK-së, Ramush Haradinaj dhe kreun e PDK-së, Enver Hoxhaj.
Përmes një shkrimi në ‘Twitter’, Kosnett ka thënë se pret veprime konstruktive nga opozita për të punuar bashkë me qeverinë për qëllime të përbashkëta.
“U takova ndaras me kreun e AAK-së, Ramush Haradinaj dhe kreun e PDK-së, Enver Hoxhaj. I nxita që të veprojnë në mënyrë konstruktive në opozitë, duke punuar së bashku me qeverinë për qëllime të përbashkëta duke i vendosur nevojat e qytatarëve mbi ato të partive”, ka shkruar Kosnett në ‘Twitter’.
Met separately with AAK leader Ramush Haradinaj and PDK leader Enver Hoxhaj. Encouraged them to act constructively in opposition, working together with the government on shared goals & putting the needs of citizens above political partisanship. #KosovoFirst #PoliticsSecond
— Ambassador Philip S. Kosnett (@USAmbKosovo) March 18, 2021
Takimin me ambasadorin amerikan e ka konfirmuar edhe kryetari i AAK-së, Ramush Haradinaj.
Integrimet euroatlantike, situata me pandeminë, rimëkëmbja ekonomike dhe dialogu, ishin temat e bisedës sipas Haradinajt.
“E informova ambasadorin se Aleanca do të jetë zë i fuqishëm që do të kërkojë llogaridhënie nga pushteti i ardhshëm. Gjithashtu falënderova ambasadorin Kosnett për kontributin e tij dhe mbështetjen e vazhdueshme amerikane për vendin tone”, ka shkruar Haradinaj në Facebook.