Hartës së Kosovës me të prekur nga coronavirusi i shtohen Rahoveci e Istogu
Instituti Kombëtar i Shëndetit Publik ka njoftuar se gjithsej 79 persona kanë rezultuar pozitiv sot nga gjithsej 250 mostra të marra.
Dy komuna të reja janë bërë pjesë e hartës ku ka raste të konfirmuara me coronavirus.
Komuna e Istogut ka një rast, sikur edhe komuna e Rahovecit.
IKSHP me anë të një njoftimi ka treguar se rastet e konfirmuara janë raste kontakti.
Më poshtë po u listojmë rastet e reja të prekura me coronavirus nëpër komuna.
Komuna e Ferizajt gjithsej 35 raste. Ssipas vendbanimeve në qytetin e Ferizajt 12 raste, Greme tetë raste, Mirash shtatë raste, Lloshkobare katër raste, Slivovë dy raste, Neredime një rast dhe Manastirc një rast.
Komuna e Prizrenit 16 raste të konfirmuara me coronavirus. Sipas vendbanimit 10 Prizren dhe gjashtë Skorobisht.
Në Han të Elezit janë konfirmuar gjashtë raste.
Në Komunën e Vitisë, gjashtë raste, katër raste në fshatin Ramjan e dy në Pozhoran.
Nga komuna e Gjilanit tri raste sipas vendbanimit dy raste Gjilan dhe një rast Lladovë.
Komuna e Malishevës ka regjistruar dy raste, sipas vendbanimit, Malishevë një rast dhe Banjë një rast.
Nga komuna e Vushtrrisë janë dy raste sipas vendbanimit: Vushtrri një rast dhe Pestovë një rast.
Edhe vendet si Burojë-Skenderaj, Qabiq-Klinë, Kramovik-Rahovec, Fushë Kosovë, Istog, Mitrovicë e veriut, Leposaviq Zubin Potok dhe Hodonovc-Kamenicë kanë regjistruar nga një rast të konfirmuar me coronavirus në Kosovë.
Numri gjithsej i të prekurve me COVID-19 është 362. 59 nga ta janë shëruar ndërsa kanë humbur jetën 9 persona.
