Skenë nga filmi 'Zgjoi'. Foto: QKK.
Filmi “Zgjoi” edhe në kinematë e ShBA-së
01.11.2021 - 21:05
Ambasada e Kosovës në Uashington ka njoftuar se filmi “Zgjoi” do të fillojë të transmetohet në kinematë e Shteteve të Bashkuara të Amerikës nga 5 nëntori.
“Jemi të entuziazmuar të njoftojmë se “Zgjoi” më në fund po bën rrugën e tij në kinematë në ShBA!”, thuhet në njoftimin në Facebook.
Ky film është fitues i trefishtë në Sundance 2021 dhe fitues i shumë çmimeve të tjera ndërkombëtare.
“Zgjoi” është në skenar dhe regji të Blerta Bashollit, ndërsa Yllka Gashi ka rolin kryesor e cila paraqet historinë e vërtetë të Fahrije Hotit.