Edhe nëntë të vdekur nga COVID-19 gjatë ditës
04.11.2020 - 15:05
Nëntë të infektuar me COVID-19 kanë vdekur gjatë 24 orëve të fundit në Kosovë, njofton Instituti Kombëtar i Shëndetësisë Publike (IKSHPK).
Numri total i vdekjeve nga COVID-19 është 714 raste.
IKSHPK ka njoftuar se 546 raste kanë rezultuar pozitive me coronavirus pas testimit të 1 mijë e 626 të mostrave të dyshimta.
Ndërsa, 107 pacientë janë shëruar.
COVID-19 është sëmundje ngjitëse e cila transferohet te tjetri përmes spërklave të cilat përhapen në ajër, përmes të folurit, kollitjes apo teshtitjes.
Bartja e maskave, mbajtja e distancës fizike prej së paku 1.5 metra dhe higjiena personale janë rekomandimet e ekspertëve për parandalimin e përhapjes së infeksionit.