Aksidenti i veturës në Prishtinë, Foto: KALLXO.com
Dy të lënduar në aksidentin në Prishtinë
10.7.2022 - 22:26
Dy persona kanë pësuar lëndime në aksidentin për të cilin KALLXO.com raportoi rreth një orë më parë.
Aksidentin, i cili ka ndodhur rreth orës 21:15 në rrugën “Agim Ramadani” në Prishtinë, Policia po e trajton si vetaksident.
Lidhur me rastin, KALLXO.com ka kontaktuar me Policinë e rajonit të Prishtinës.
Agron Borovci, zëdhënës i Policisë, për KALLXO.com se informacioni është pranuar si vetaksident trafiku.
“Dy persona kanë pësuar lëndime trupore për çfarë kanë marrë trajtimin e nevojshëm mjekësor, ndërkaq dëme materiale janë shkaktuar edhe në një lokal skaj rrugës”, tha Borovci.
Ai shtoi se njësia rajonale e trafikut ka dalë në vendin e ngjarjes dhe po merr veprimet e nevojshme për të hetuar shkaqet që dërguan te aksidenti.