Foto: Urim Krasniqi/KALLXO.com
Dy kamionë largohen nga barrikadat e krijuara në Bërnjak
25.9.2021 - 20:39
Dy kamionë janë larguar nga vetë qytetarët serb, prej barrikadave të krijuara në afërsi të pikës kufitare në Bërnjak.
KALLXO.com mëson se makineritë e rënda nuk janë urdhëruar nga askush që të largohen, por shoferët i kanë larguar pa ndonjë presion dhe janë nisur drejt Serbisë përmes pikës kufitare në Bërnjak.
Në anën tjetër siç mëson KALLXO.com është krijuar edhe një barrikadë e re nga qytetarët në rrugën e cila të dërgon drejt pikës së Bërnjakut.
Gjatë ditës së sotme në ketë pikë kufitare është parë edhe helikopteri i KFOR-it i cili ka qëndruar disa minuta dhe ka monitoruar nga lartë gjendjen në këtë pikë.