Dy adoleshentë në Mbretërinë e Bashkuar janë arrestuar për pengmarrje në sinagogën e Teksasit

Dy adoleshentë janë arrestuar në Mbretërinë e Bashkuar si pjesë e hetimit për një incident të marrjes peng në një sinagogë në Teksas, kanë konfirmuar autoritetet, raporton Euronews.

Katër persona u mbajtën peng në Kongregacionin Beth Israel, në Colleyville, të shtunën nga një rrëmbyes i armatosur i identifikuar si shtetasi britanik 44-vjeçar Malik Faisal Akram.

Akram u vra kur përplasja 10-orëshe mori fund me një ekip të FBI SëAT që ndërhyri në ndërtesë pasi pengjet e fundit dolën jashtë rreth orës 21:00.

Policia e Greater Mançester njoftoi gjatë natës të hënën se “dy adoleshentë u arrestuan” dhe “janë në paraburgim për t’u marrë në pyetje”.

Ata kishin konfirmuar më herët se Akram ishte “fillimisht nga zona Blackburn e Lancashire”, rreth 30 kilometra në veri të Mançesterit.

Presidenti amerikan Joe Biden e quajti këtë ngjarje një akt terrori. 

Akram mund të dëgjohej duke rënkuar në një transmetim të drejtpërdrejtë në Facebook dhe duke kërkuar lirimin e Aafia Siddiqui, një neuroshkencëtare pakistaneze e dyshuar për lidhje me al-Kaedën, e cila u dënua për përpjekjen për të vrarë oficerët e ushtrisë amerikane në Afganistan.

Akram arriti në SHBA në Aeroportin Ndërkombëtar John F. Kennedy në Nju Jork rreth dy javë më parë me një vizë turistike, sipas një zyrtari amerikan i cili foli në kushte anonimiteti sepse informacioni nuk kishte për qëllim të ishte publik.

Agjenti Special i FBI-së i ngarkuar, Matt DeSarno tha se pengmarrësi Akram ishte i fokusuar në mënyrë specifike në një çështje që nuk lidhej drejtpërdrejt me komunitetin hebre. Nuk ishte e qartë pse Akram zgjodhi sinagogën, megjithëse burgu ku Saddiqui po vuan dënimin e saj është në Fort Worth.