Dogana e Kosovës arrin të grumbullojë 442 milionë euro të hyra

Rreth 8 për qind janë rritur të hyrat e Doganës së Kosovës në krahasim me katërmujorin e parë të vitit të kaluar.

Mirëpo, derisa importi ka shënuar rritje, eksporti i mallrave ka shënuar rënie gjatë këtyre muajve.

Njohës të ekonomisë thonë se rritja e të hyrave ka qenë e pritshme për shkak të inflacionit.

Mirëpo, sipas tyre, derisa në shtetet evropiane çmimet po shënojnë rënie, në Kosovë janë ngritur.

Sipas Agjencisë së Statistikave të Kosovës, eksporti gjatë muajit mars të këtij viti ka shënuar rënie për 7.7% krahasuar me muajin e njëjtë të vitit të kaluar.

Ndërsa, importi ka shënuar rritje për 3% krahasuar me marsin e 2022-s./RTK