Ilustrim
Coronavirusi: Një në pesë amerikanë urdhërohen të qëndrojnë në shtëpi
21.3.2020 - 09:18
Një numër i shteteve amerikane kanë urdhëruar mbylljen, dhe së shpejti një në pesë amerikanë do të qëndrojnë në shtëpi.
Connecticut dhe New Jersey po i bashkohen Illinois dhe Californias në mënyrë që banorët të qëndrojnë në shtëpi për të luftuar përhapjen e coronavirusit raporton BBC.
Shteti i New Yorkut ka urdhëruar mbylljen e bizneseve jo thelbësore.
Virusi ka marr jetët e gati 230 njerëzve në SHBA dhe ka infektuar më shumë se 18.500 njerëz.
Në përgjithësi, më shumë se 270,000 pacientë kanë rezultuar pozitiv nga sëmundja e frymëmarrjes dhe më shumë se 11,000 kanë vdekur.
Kurse në Kosovë janë konfirmuar edhe 2 raste me virusin COVID-19. Numri i përgjithshëm i rasteve të infektuar ka arritur në 24.