Biden - ushtarëve amerikanë në Poloni: Djali im ka qëndruar në Kosovë për 6 muaj

President i ShBA, Joe Biden gjatë një vizite në Poloni, u takua me trupat amerikane që po qëndrojnë atje.

Duke falenderuar ata për shërbimin, Biden tha se djali i tij kishte shërbyer në Kosovë për gjashtë muaj.

“Djali im ishte një vit në Irak. Ai ishte gjashtë muaj në Kosovë. Ai fitoi Yllin e Bronztë, medaljen e shërbimit dhe çmime të tjera. Gjëja më krenare që bëri ndonjëherë ishte veshja e asaj uniforme”, ka thënë Biden në një video të publikuar nga CNN në Twitter.

“We are the organizing principle for the rest of the world.”

President Joe Biden delivers remarks to US troops in Poland as the Russia-Ukraine conflict continues. pic.twitter.com/F1IxWmM8HV

— CNN (@CNN) March 25, 2022

Fjalimin e tij kur flet për Kosovën mund ta dëgjoni nga minuta 06:57.

Siç kishte treguar vetë Biden, djali i tij ishte në Kosovë si vullnetar ndërsa ishte i interesuar që ta ndihmonte vendin tonë në sistemin e drejtësisë. Beau Biden ishte një jurist i njohur.

Në Kosovë, rruga Ferizaj-Gjilan, në afërsi të kampit Bondsteel, mban emrin Joseph R. “Beau” Biden, III, të djalit të Joe Biden.

Beua Biden kishte ndërruar jetë me 6 janar të vitit 2015 nga sëmundja e kancerit.

Beau Biden ishte edhe Prokuror i Përgjithshëm në Delaware ndërsa për një kohë kishte shërbyer edhe me Forcat Amerikane në Irak.