Ilustrim
Arrestohet një i mitur, dyshohet për disa vjedhje të rënda kryesisht në Graçanicë
16.5.2023 - 16:54
Policia e Kosovës ka njoftuar se kanë arrestuar një të mitur, i dyshuar për disa vjedhje të rënda, të paktën pesë raste.
Rastet dyshohet se kryesisht kanë ndodhur në zonën e Graçanicës.
Në njoftim është thënë se puna e hetuesve të stacionit policor është finalizuar pas marrjes së disa veprimeve operative, ku është arritur që të identifikohet dhe arrestohet personi i dyshuar.
I mituri është thënë se me vendim prokurorit të shtetit është dërguar në mbajtje.
Tutje u tha se hetuesit e stacionit policor po vazhdojnë të kryejnë veprimet e nevojshme hetimore lidhur me rastet ku personi i arrestuar dyshohet të jetë i përfshirë.