FOTO - Ambasada SHBA-së në Kosovë
Amerikanët kërkojnë kujdes në gjykimin e deklaratave rreth ‘Masakrës së Reçakut’
Ambasada Amerikane në Kosovë ka kërkuar kujdes në gjykimet në lidhje me deklaratat që jepe për Masakrën e Reçakut.
Me anë të një deklarate për media, Ambasada e ShBA-së në Kosovë ka thënë se “paralajmërojmë ndaj ndjekjes selektive të fjaës në bazë të orientimit politik ose komunitetit”.
“Retorika nxitëse dhe revizionizmi historik që kemi parë kohët e fundit në lidhje me ngjarjet e vitit 1999 janë të papranueshme. Ne gjithashtu paralajmërojmë ndaj ndjekjes selektive të fjalës në bazë të orientimit politik ose komunitetit. Liria e fjalës ka qenë prej kohësh një parim themelor i demokracisë”, thuhet në deklaratën e ambasadës.
Tutje ambasada në deklaratën e saj ka treguar se sa e rëndësishme është që Kosova e Serbia të kthehen në tryezë dhe të përqëndrojnë energjitë e tyre mbi të armdhmen duke normalizuar mardhëniet.
“Ngjarjet e kësaj jave paraqesin një kujtesë tjetër se sa e rëndësishme është që Kosova dhe Serbia të kthehen në tryezë dhe të përqendrojnë energjitë e tyre mbi të ardhmen duke normalizuar marrëdhëniet”, ka deklaruara ambasada amerikane.
Ditë më parë, Presidenti i Serbisë, Aleksandar Vuçiq ka reaguar pasi Gjykata në Prishtinë e kishte dënuar me dy vjet burg ish-ministrin e Administrimit të Pushtetit Lokal, Ivan Todosijeviq.
Todosijeviq është dënuar për mohim të Masakrës së Reçakut.
Vuqiq e ka quajtur trillim maskrën e Reçakut duke thënë se dënimi i tij është i frikshëm.
“Është e frikshme. Të gjithë anëtarët e Listës Serbe do të përsërisin të njëjtën gjë, dhe unë e përsëris tani – krimin e fabrikuar në Reçak, ku gjithçka u falsifikua nga ai mashtrues me flokë të bardhë, një mashtrues si Ëalker, një mashtures”, tha Vuçiq para gazetarëve, raportoi b92.
Në lidhje me këto deklarata të Presidentit Vuqiq pati reagime të shumta të cilat mund ti lexoni në këtë LINK.
.
