Video e manipuluar për Sami Lushtakun
Vlerësimi
Rrenë
Postimi me përmbajtjen vizuale në të cilën Sami Lushtaku shihet duke tërhjekur një thes me dollarë është i rremë. Krypometër ka konstatuar se video është e manipuluar dhe Lushtaku nuk ka fotografi të tillë.
Artikulli
Më 7 shtator 2023 profili në Facebook “Sija Aldi Sera Durmishi” postoi një video në grupin publik “>>Qeveria Kurti ll, 22 Mars 2021<<” në të cilin shihet nënkryetari i Komunës së Skenderajt, Sami Lushtaku.
Videoja e publikuar shoqërohet me një këngë në prapavijë duke prezantuar Lushtakun si milioner ndërsa, vetë Sami Lushtaku shihet duke tërhequr një thes me logon e monedhës dollar.
Krypometri më 12.09.2023 verifikoi se përmbajtja në këtë video material është e manipuluar.
Fillimisht, Krypometri kontrolloi në googleimage nëse një fotografi e tillë është shpërndarë, mirëpo të dhënat tregojnë se një përmbajtje e tillë reale nuk është fotografuar asnjëherë.
Për të verifikuar tutje nëse materiali është i vërtetë, Krypometri ka kontaktuar me z. Lushtaku. Në emër të tij, për vërtetësinë e këtij materiali është deklaruar Amir Lushtaku, shef i zyrës për media në komunën e Skenderajt ku Lushtaku është nënkryetar.
“Kjo video është një monazhë e cila është krijuar nga individ apo grupe qëllimi i të cilave është dëmtimi i imazhit dhe personalitetit të zotit Lushtaku”– ka thënë Amir Lushtaku më 12.09.2023 për Krypometër.
“Video në fjalë është montazh dhe lajmi është i rremë prandaj do të bëjmë përpjekje që faqe të tilla që përhapin propagandë me lajme të rreme të bëhen report dhe të mbyllen tërësisht!”– deklaroi tutje Lushtaku.
Falsifikimi i videomaterileve është i ndaluar me kodin e etikës së mediave.
