Shtrembërimi i deklaratës së Konjufcës për zgjedhjet e parakohëshme
Deklarata
Konjufca: Vendi duhet të shkojë në zgjedhje
Vlerësimi
Pjesërisht e vërtetë
Titulli i artikullit “Konjufca: Vendi duhet të shkojë në zgjedhje” është i rremë. Konjufca në intervistën e dhënë kishte thënë se nëse kërkohet që Kosova të krijojë asociacion me kompetenca ekzekutive, vendi duhet të shkojë në zgjedhje. Pra, deklarimi i Konjufcës ishte që duhet të plotësohet një kusht që të bie qeveria dhe vendi të shkojë në zgjedhje.
Artikulli
Më 22 mars 2023 faqja në internet me emrin “kosovanacionale.com” ka publikuar një lajm me titullin “Konjufca: Vendi duhet të shkojë në zgjedhje”.
Në tekstin e lajmit përmendet deklarata e kryetarit të Kuvendit, Glauk Konjufca, të dhënë me 22 mars 2023 në një intervistë në Tëvë1.
Konjufca në këtë intervistë kishte thënë se nëse kërkohet që Kosova të krijojë asociacion me kompetenca ekzekutive, vendi duhet të shkojë në zgjedhje.
“Kemi marrë garanci të forta që asociacioni do të jetë një lloj forumi. Por, nëse kërkohet që asociacioni të ketë kompetenca ekzekutive ose të bëhet me ndryshime kushtetuese, mendoj që asgjë më nuk ka vlerë dhe vendi duhet të shkojë në zgjedhje”, kishte thënë Konjufca.
