Lajm i rremë: Sulmet ruse në Ukrainë ilustrohen me video të vjetra

Lajmi i Fundit: Çmendet Vladimir Putini, lëshon 2 mijë raketa në drejtim të Ukrainës brenda një minuti.

Në mbrëmjen e të dieles, disa media online në Kosovë e kanë publikuar një video 18-sekondëshe, me pamje kinse nga sulmet ruse në Ukrainë.

“Lajmi i fundit: Çmendet Vladimir Putini, lëshon 2 mijë raketa në drejtim të Ukrainës brenda një minuti”, thuhet në mbishkrimin e videos, e cila është publikuar nga “Gazeta Infokus”, “Prishtina News”, “Gazeta Shekulli” dhe “Gazeta Newborn” dhe është shikuar 238,512 mijë herë në Facebook.

Kjo video, e cila është publikuar si lajm i fundit, duke iu referuar sulmeve të Rusisë në Ukrainë, qarkullon në internet së paku që nga viti 2020. Video e njëjtë është publikuar dy herë në Youtube në vitin 2020.

Video e parë ka një gjatësi prej 18 sekondave, njëjtë sa ajo e publikuar nga mediat online në Kosovë, kurse tjetra është 42 sekonda.

Sot, është dita e pestë e pushtimit rus – lufta e parë e madhe tokësore në Evropë në dekada.

Presidenti rus, Vladimir Putin, tha se ka nisur një operacion “special” për “çmilitarizimin” e njerëzve.

Shtetet e Bashkimit, Bashkimi Evropian, Britania e Madhe dhe NATO-ja e dënuan sulmin dhe morën sanksione ndaj Rusisë.

Agjencia e Kombeve të Bashkuara për refugjatët thotë se po merr raporte për njerëzit që po bllokohen të hyjnë nëpër trena në Ukrainë.

Një zëdhënëse shkroi në Twitter se UNHCR po e shqyrton këtë raport dhe se 422 mijë njerëz janë larguar nga Ukraina në drejtim të vendeve fqinje.

Më shumë se 100 mijë euro njerëz janë zhvendosur tani brenda Ukrainës, sipas OKB-së.

KALLXO.com në vazhdimësi ka raportuar për lajmet e rreme që janë duke qarkulluar për ngjarjet në Ukrainë.

Raportimet mund t’i gjeni në këtë link.