![](https://kallxo.com/wp-content/uploads/gjnk/path/EP_Strasbourg_803458.jpg)
PE Thirrje për Njohjen e Kosovës
29.3.2012 - 14:13
Parlamenti Evropian iu ka bërë sërish thirrje pesë vendeve të mbetura të Bashkimit Evropian që të njohin pavarësinë e Kosovës.
Kjo qëndron në Rezolutën e miratuar sot me shumicë dërmuese te votave, autore e së cilës është raportuesja për Kosovën në Parlament, Ulrike Lunaçek, raporton RTK-ja
Me anë të kësaj rezolute, deputetët e Parlamentit Evropian i bënë thirrje edhe Komitetit Olimpik që të mundësojë pjesëmarrjen e Kosovës në Lojërat Olimpike.
Rezoluta e Parlamentit Evropian u bën ftesë edhe autoriteteve kosovare që të merren me sfidat me të cilat ballafaqohet vendi.
Amendamenti i propozuar që Kosova në Parlamentin Evropian të përfaqësohet me fusnotë, është hedhur poshtë.