![](https://kallxo.com/wp-content/uploads/gjnk/path/fusnota_869100.jpg)
BE Fillon Shfrytëzimin e Fusnotës
29.2.2012 - 11:02
Dokumenti i parë i BE’së me fusnotën e re është paraqitur dje, 28 shkurt nga takimi i Këshillit të Bashkimit Evropian, ku emri i Kosovës paraqitet me fusnotën e re. Të gjitha dokumentet që dalin nga BE do të kenë këtë fusnotë për Kosovën.
Kosovo*, është denominimi i ri në të cilën do të shkruaj teksti: “Pa paragjykim për pozicionin e palëve për statusin, në përputhje me 1244 dhe Opinionin e Gjykatës Ndërkombëtare të Drejtësisë për Deklaratën e Pavarësisë së Kosovës”.
Kjo fusnotë e re ka qenë kompromis në mes Kosovës dhe Serbisë, me ndërmjetësim të BE-së për të arritur marrëveshje për bashkëpunimin rajonal.
Fusnota e re është kritikuar nga partitë opozitare në vend duke thënë se qeveria e Kosovës ka hequr dorë nga ‘Republika’ e shtetësisë.