Mbledhja e KPK-së | Foto KALLXO.com
KPK do të Hetojë Rreth Provimit të Jurisprudencës së Lumezit
Kreu i Këshillit Prokurorial të Kosovës Blerim Isufaj paralajmëroi sot pas mbledhjes së këtij institucioni se do të hetohen pretendimet ndaj Aleksandër Lumezit për falsifikimin e provimit të jurisprudencës.
“Këshilli nuk e ka diskutu çështjen e pezullimit [të Lumezit], por ka diskutu shumë pretendimet që janë ba dhe ka me pasë raport përfundimtar”, tha Blerim Isufaj.
Sa i përket pavarësisë së hetimeve ndaj kryeprokurorit Lumezi, Isufaj deklaroi se hetimi do të jetë i pavarur.
“Nuk mund të ketë hetim më të pavarur sesa vetë thirrja publike që urdhëroni hetoni”, tha Isufaj.
Sot edhe shoqëria civile kërkoi hetim të pavarur ndaj Lumezit.
http://kallxo.com/shoqeria-civile-kerkon-hetim-te-pavarur-per-lumezin/
Enver Hasani, ish-rektori i UP-së dhe ish-kryetari i Gjykatës Kushtetuese, pasi u dënua më 18 tetor me një vit burg me kusht në lidhje me disa libra të përkthyer, tha se Aleksandër Lumezi e ka falsifikuar provimin e jurisprudencës.
Lumezi pastaj fjalët e Hasanit i cilësoi shpifje, ndërsa publikoi certifikatën e provimit të jurisprudencës.
Lumezi paralajmëroi padi ndaj Enver Hasanit, ndërsa u bëri thirrje organecve të drejtësisë që të hetohen pretendimet e ngritura nga Hasani.