Vdekje e dyshimtë në Rugovë
19.9.2018 - 15:06
Në Rugovë të Pejës është gjetur një trup i pajetë dhe vdekja e tij është cilësuar si e dyshimtë.
Rastin për KALLXO, e konfirmoi zëdhënësi për informim në Prokurorinë e Pejës, Shkodran Nikçi.
“ Në një fshat të Rugovës është gjetur një trup i pajetë, ashtu që rasti është hapur si vdekje e dyshimtë dhe me urdhër të prokurorit të shtetit trupi i pajetë i viktimës është dërguar për obduksion, me qëllim të konstatimit të shkaqeve të vdekjes së tij “, tha Nikçi.