Kosova mposhtet me rezultat 7 me 0 nga Belgjika
21.10.2021 - 21:59
Kombëtarja e Kosovës në kategorinë e vajzave ka pësuar humbje me rezultat të thellë 7-0 ndaj Belgjikës, ndeshje e vlefshme për kualifikimet e Botërorit 2023.
Belget e nisën furishëm lojën duke shënuar për 1-0 me Vanhaevermaetin në minutën 3-të.
Për 2-0 shënoi Cayman në minutën e 9-të.
Belgjika nuk u ndalë duke shënuar me Wullaert, De Caigny dhe Vanhaevermaet në minutat e 16-të, 28-të dhe 36-të për rezultatin 5-0 në pjesën e parë.
Në pjesën e dytë belget i shënuan edhe dy gola në minutat e 51-të dhe 69-të me Tessa Wullaertin.
Pas kësaj fitoreje Belgjika pozicionohet në vendin e parë me shtatë pikë.
Kurse, Kosova mbetet në vendin e pestë me një pikë, me dy humbje dhe një barazim nga tri ndeshje.