Karateistët Elhami Shabani dhe Herolind Nishevci fitojnë medalje në Kampionatin Ballkanik
16.10.2021 - 17:48
Kosova sot është stolisur me dy fitore në Kampionatin Ballkanik të karatesë që po mbahet në Poreç të Kroacisë.
Medaljen e argjendtë e ka fituar Elhami Shabani në kategorinë -75 kilogramë, duke i shënuar katër fitore, duke u mposhtur në finale nga turku Enes Bulut.
Herolind Nishevci u stolis me medaljen e bronztë në kategorinë +84 kg. Nishevci shënoi katër fitore, ndërsa në luftën për të bronztën mundi Luka Vukoviq të Serbisë.
Një ditë më parë, medaljen e bronztë e fitoi Fortesa Orana.