Zogaj: Azem Syla nuk po i Ik Drejtësisë
“Vendimi i tij për dorëheqje të deputetit a nuk flet mjaft për gatishmërinë e tij për të qenë i barabartë para drejtësisë si secili qytetar i Kosovës,” tha Zogaj në kohën për deklarime jashtë vendit të ditës në Kuvend.
Ai arrestimet dhe bastisjet kur u kërkua edhe Syla i quajti “spektakël të paarsyeshëm dhe të trishtueshëm”.
Zogaj fajësoi portalet për akuza të pabazuara ndaj Sylës.
“Një person që ishte i gatshëm të vdes për Kosovën na shndërruan në zhvatës, kriminel, vrasës etj,” tha Zogaj.
Ai parashikoi se Syla do të shpallet i pafajshëm.
“Pas këtyre akuzave Azem Syla do të shpallet i pafajshëm. Kush do të mbajë përgjegjësinë për shqetësimet e familjes së Azem Sylës. Ju e akuzuat në mënyrën më të keqe të mundshme,” përfundoi Zogaj.
KALLXO.com shkroi sot se Azem Syla pritet t’u dorëzohet organeve të rendit.
