Sot festohet Bajrami i Madh - FOTO

Në Kosovë dhe në vendet tjera, sot shënohet dita e parë e Festës së Fitër Bajramit, apo Bajramit të madh siç njihet te ne.

Bajrami festohet pas përfundimit të muajit të Ramazanit. Dita e parë e festës së Fitër – Bajramit është sot.

Manifestimi qendror për festën e Fitër – Bajramit për Republikën e Kosovës po mbahet në Xhaminë e Madhe në Prishtinë. Manifestimi filloi në ora 04:11, me faljen e namazit të sabahut, pas të cilit u mbajt ligjërata tematike kushtuar kësaj feste nga dr. Ejup Haziri- anëtar i Kryesisë së BI të Kosovës.

Namazi i Fitër – Bajramit filloi të falet në ora 05:36 minuta të cilit do t’i prij Vedat ef. Sahiti-këshilltar i Myftiut të Kosovës.

Hytben e Fitër – Bajramit do ta mbajë Myftiu i Kosovës,  Naim ef. Tërnava, i cili do t’u drejtohet opinionit të gjerë me mesazh për këtë festë.